سلسة مواقف أبلة الفرنسي .. الجزء الأول

أنا بثانوية مقررات و تخصصي أدبي و من المواد الاجبارية إلي لازم ناخذها مقررين فرنسي

و أدام انها لغة و مادة و شي يديد المواقف إلي كانت فيه لا تخلى من الدعاااااااااااااااااااااابة .. و بصراحة بنقل لكم بعض الأشياء إلي عمري ما راح انساها و وهالموقف صارلي أول ما دخلت الثانوية بالأحرى كان عمري 15 تفضلوا

في أول يوم كنا قاعدين في الفصل ننتظر ( أبلة الفرنسي ) لأن اذا الذكاء مسكت بالانجليزي فما بالكم بالعربي

دخلت الحلوة ( أبلة الفرنسي ) و بكل ثقة سلمت .. و بدت ترطن علينا بالفرنسي كأنها داخلة على دكاترة بالمادة …. و البنات لا تشوفون ووهم

إلي راسم ويه الذكاء و إلي نام إلي طقه عقر بقر … و إلي استأذن راح الحمام عزكم الله من الخرعة و ما رجع … و بعد عشر دقائق تقريبا من كلامها المتواصل …. ما قدرت أسكت .. فجأة .. بعز … كلامها … وهدووووووووووووووووووء الفصل …. تصدر مني قهقهات عالية هستيرية .. وسط تعجب المعلمة .. ( قالولها ان كنا ندرس معاها فرنسي بجامعة وحدة ) .. المهم حاولوا البنات يسكتوني بشتى الطرق … حاولت المعلمة تفهم سر ظحكاتي .. و بعد دموع غزيرة عمت عيني .. و قهقهات بحت صوتي

قتلها ( حرام عليج شنو عبالج احنا نوابغ .. أنا ما عرفت حتى اسمج ) ردت المعلمة ببرووووووووووووووووووووود و قالت ( أنا ليل حين ما قلت شي كنت أعرف عن نفسي وتقول إنها مستغربة ليش محد متجاوب معاها ( قالولها ان كنا ندرس معاها فرنسي بجامعة وحدة )

المهم البنات إلي ما يعرفوني اعتبروها وقاحة .. و أنا معاهم لأني من النوع إلي أفرفش مع الأبلات بس ما أمصخرهم .. كنت بعتذر بس الحمد الله

من هالسالفة و الأبلة تمووووووووووووووووووووووووووووووووووووووت علي و قامت تقول يومياتي حق المدرسات .. و يعلي ما أدخل عندهم إلا يسلمون علي .. ولا يقعدون يتهامسون وو يتبوسمون .. و إلي تعزمني على كوب شاي .. وإلي على فطاير .. ولي يومكم الحال قائم

الله يديم المحبة

مع تحيات اختكم في الله .. رحيق العفة

هههههههههههههههههههه

الله يديم المحبه بينكم

يسلمووو على هالمواقف الحلوووه والطريفه